घोड प्रकल्प वनविभाग जुन्नर हे कार्यालय सन १९६४ मध्ये पुणे वनसंरक्षक पुणे मधून स्थापन करण्यात आले आहे. पूर्वी हा विभाग पुणे वनविभागाचा एक भाग होता. जुन्नर वनविभागाचे कार्यक्षेत्रामध्ये पुणे जिल्ह्याच्या उत्तरेकडील अनुक्रमे जुन्नर, आंबेगाव, खेड व शिरुर या चार तालुक्यातील वनक्षेत्राचा समावेश आहे. प्रशासकीय कामांचे दृष्टीकोनातून चार तालुक्यात जुन्नर, ओतूर, मंचर, घोडेगाव, खेड, चाकण, शिरुर अशी एकूण सात वनपरिक्षेत्रे आहेत. त्यामध्ये शिरुर वगळता जुन्नर, आंबेगाव, खेड हे तालुके पश्चिम पटटयाचे वनक्षेत्रात येतात. जुन्नर वनविभागाचे कार्यक्षेत्रात पुणे जिल्हयातील एकूण भौगोलिक क्षेत्र 5826 चौरस किलोमीटर आहे. त्यापैकी वनक्षेत्र 612.98 चौरस किलोमीटर आहे.

या वनविभागाच्या पश्चिम भागात दाट वने आहेत. या वनांमध्ये आंबा, नीम, चंदन, खैर, हिवर, आपटा, कळंब, साग इत्यादी वृक्ष आहेत. तसेच गवत, घायपात, बाभूळ, शमी इत्यादी काटेरी वनस्पती आढळतात. या वनांमध्ये बिबटया, लांडगा, मोर, व इतर वन्यप्राणी आढळतात. प्रकरणी आंबेगाव तालुक्यात भिमाशंकर येथे अभयारण्य आहे. या अभयारण्याचा काही भाग ठाणे जिल्हयात पसरला आहे. या अभयारण्यात भारतातील सर्वात मोठी शेकरु ही उडणारी खार आढळते. शेकरु हा महाराष्ट्राचा राज्यप्राणी आहे. या अभयारण्यात भगवान शंकराचे बारा ज्योतिर्लिंगांपैकी एक मंदीर आहे. या अभयारण्यात विविध औषधी वनस्पती आणि कारवी ही वनस्पती आढळते.